Mae’n amhosibl sicrhau y gall eich eiddo wrthsefyll pob llifogydd ond mae llawer o bethau y gallwch eu gwneud i leihau’r difrod a achosir gan lifogydd.
Os daw llifogydd i'ch eiddo gall hyn fod yn ddrud o ran arian, amser ac anghyfleustra. Er ei bod yn amhosibl sicrhau y gall eich eiddo wrthsefyll pob llifogydd mae llawer o bethau y gallwch eu gwneud i leihau'r difrod a achosir gan lifogydd. Gallai'r hyn y byddech yn ei wneud:
- atal dŵr o lifogydd bas, byr ddod i mewn i adeilad
- atal llifddwr gyhyd ag y bo modd rhag dod i mewn i’r adeilad os yw’r llifogydd yn waeth, gan roi mwy o amser i chi symud eich eiddo i fan diogel cyn gadael yr adeilad
- cyfyngu ar y difrod a wneir i waliau, lloriau, darnau gosod a gosodiadau os daw llifddwr i mewn i’r adeilad
- wneud hi’n haws, yn gyflymach ac yn rhatach i glirio a sychu ar ôl y llifddwr fel y gallwch ddychwelyd i’ch bywyd arferol cyn gynted ag y bo modd.
P'un ai ydych yn rhentu eich cartref neu’ch adeiladau busnes neu’n berchen arnynt, y peth pwysicaf yw paratoi nawr drwy brynu a gosod cynhyrchion amddiffyn rhag llifogydd ymlaen llaw. Peidiwch ag aros nes ei bod yn ymddangos bod llifogydd ar fin digwydd gan na fydd gennych ddigon o amser i brynu’r cynhyrchion neu roi’r mesurau ar waith.
Efallai na fydd nifer o ddulliau traddodiadol o amddiffyn yn erbyn llifogydd, fel bagiau tywod, yn effeithiol yn erbyn llifogydd o ddŵr daear. Y rheswm dros hyn yw y gall dŵr ddod i fyny trwy’r llawr a pharhau’n uchel am amser hir.
Os mae eich eiddo mewn ardal sy'n cael ei effeithio gan lifogydd o ddŵr daear, efallai y bydd angen i chi ystyried pwmpio dŵr i ddiogelu eich eiddo.
Archwiliwch i’n tŷ llifogydd rhyngweithiol
Edrychwch ar y gwahanol ystafelloedd yn ein tŷ llifogydd rhyngweithiol a chael awgrymiadau defnyddiol ynghylch sut y gallwch leihau niwed i'ch eiddo gan lifogydd.
