Llifogydd cronfa ddŵr – pwy y dylech gysylltu â nhw

Os nad yw ein canllawiau cyffredinol a’n Cwestiynau Cyffredin yn ateb eich cwestiynau, gallech gysylltu â rhywun am ragor o wybodaeth. Bydd pwy y dylech gysylltu â nhw yn dibynnu ar eich cwestiwn. Ceir gwybodaeth isod am bwy sydd yn y sefyllfa orau i ateb eich cwestiwn.

• Defra - Adran Rheoli Llifogydd: cwestiynau am bolisi, deddfwriaeth a newidiadau polisi cenedlaethol cyffredinol yn Lloegr

• Llywodraeth Cynulliad Cymru - Adran yr Amgylchedd, Cynaliadwyedd a Thai: cwestiynau am bolisi, deddfwriaeth a newidiadau deddfwriaethol yng Nghymru

• Asiantaeth yr Amgylchedd - Tîm Diogelwch Cronfeydd Dŵr: cwestiynau cyffredinol am ddiogelwch cronfeydd dŵr, cydymffurfio â Deddf Cronfeydd Dŵr 1975 ar gyfer cronfa ddŵr unigol a swyddogaeth a dyletswyddau perchnogion cronfeydd dŵr a pheirianwyr cronfeydd dŵr.

• Asiantaeth yr Amgylchedd - Swyddfa ardal leol: materion sy’n ymwneud â’r cronfeydd dŵr sy’n eiddo iddynt ac a reolir ganddynt a chwestiynau technegol am sut y lluniwyd y mapiau llifogydd cronfeydd dŵr.

• Ysgrifenyddiaeth Argyfyngau Sifil Posibl: cwestiynau am y Ddeddf Argyfyngau Sifil Posibl, swyddogaeth Fforwm Lleol Cymru Gydnerth a pholisi Cenedlaethol ar gynlluniau argyfwng lleol.

• Awdurdod Lleol (Cyngor): ymholiadau sy’n ymwneud â threfniadau cynllunio argyfwng lleol a chyngor ar sut y gall pobl heb fynediad i’r rhyngrwyd weld mapiau llifogydd cronfeydd dŵr.

Cyrff eraill sydd â Chyfrifoldeb mewn Meysydd Cysylltiedig

Efallai bod gan y sefydliadau canlynol rywfaint o gyfrifoldeb yn y maes hwn hefyd, ac efallai y gallent ateb ambell i gwestiwn:

• Yr Adran Cymunedau a Llywodraeth Leol (CLG): cwestiynau am bolisi cynllunio gofodol, gan gynnwys cynllunio datblygiadau newydd ger cronfa ddŵr.

• Sefydliad Peirianwyr Sifil (ICE)